To‘garaklar

To‘garaklar

To‘garaklar kutubxonadagi muntazam uchrashuvlar bo‘lib, u yerda biz o‘qiymiz, muhokama qilamiz, o‘yin o‘ynaymiz va mavzularni o‘rganamiz

Har bir uchrashuv alohida tadbir bo‘lib, ularga bir marta yoki doimiy ravishda kelishingiz mumkin. Mutolaa, stol o‘yinlari va mavzuli to‘garaklarga bag‘ishlangan kutubxona to‘garaklari muntazam o‘tkaziladi va turli yoshdagi tashrif buyuruvchilar uchun ochiq. Har oyda biz muloqot to‘garaklariga mavzularni tanlaymiz, mutolaa uchun yangi kitoblarni kashf etamiz, o‘yin va mavzuli to‘garaklarning ssenariylarini yangilaymiz. Jadval har oyda bir marta e’lon qilinadi.

KITOB TO‘GARAKLARI

Inglizzabon kitob to‘garagi
(0–5 yosh)

Juma kunlari, 11:00–11:30
Kichik transformer zali

Pedagoglar va kutubxonamiz xodimlari bilan rasmli kitoblarni o‘qiymiz, qisqa hikoyalarni muhokama qilamiz, tinglashni, munosabat bildirishni o‘rganamiz hamda kitobga bo‘lgan ilk ishonchni shakllantiramiz. To‘garak bir oyda ikki marta o‘tkaziladi. Ota yoki onaning ishtirok etishi shart.
 
20-noyabr
Kitob nomi: “One Ted Falls Out of Bed”. Muallif: Julia Donaldson, rassom: Anna Karri
Tungi sarguzashtlarga otlangan ayiqcha Ted haqidagi maroqli ertakni o‘qiymiz va uning yo‘lida nimalar uchrashini birgalikda kuzatamiz.

Boshlovchi: maktabgacha ta’lim mutaxassisi, kutubxona xodimi Iroda Oripova

O‘zbek tilida kitob to‘garagi
(0–5 yosh)

Juma kunlari, 11:00–11:30
Kichik transformer zali

Pedagoglar va kutubxonamiz xodimlari bilan rasmli kitoblarni o‘qiymiz, qisqa hikoyalarni muhokama qilamiz, tinglashni, munosabat bildirishni o‘rganamiz hamda kitobga bo‘lgan ilk ishonchni shakllantiramiz. Ota yoki onaning ishtirok etishi shart.

27-noyabr

Boshlovchi: Shahzoda Jo‘rayeva

O‘zbek tilida kitob to‘garagi
(6–10 yosh)

Shanba kunlari, 13:00–14:00 
Kichik transformer zali

O‘zbek tilidagi bolalar kitoblarini o‘qiymiz, kitoblardagi holatlarni muhokama qilamiz, fikr almashamiz, o‘qiganlarimiz haqida so‘zlab berishni o‘rganamiz. To‘garak bir oyda ikki marta o‘tkaziladi.

7-noyabr
Kitob nomi: “Uzunpaypoq Peppi”. Muallif: Astrid Lindgren
G‘ayritabiiy va juda jasur Peppi bilan tanishamiz, uning uyi, do'stlari va hayratomuz kuchi haqida bilib olamiz. Shuningdek, rasmlarni ko‘zdan kechirib, u boshqa bolalardan nimasi bilan farqlanishini muhokama qilamiz.

21-noyabr
Kitob nomi: “Uzunpaypoq Peppi”. Muallif: Astrid Lindgren
Peppi va uning quvnoq sarguzashtlari bilan tanishishda davom etamiz. Do'stlik, jasorat hamda xayolot haqida suhbatlashamiz. Shuningdek, o‘yinlar o‘ynab, o‘zimizning noodatiy hikoyalarimizni o‘ylab topamiz.

Boshlovchi: Surayyo To‘raqulova

Inglizzabon kitob to‘garagi
(6–10 yosh)

Shanba kunlari, 13:00–13:30, 13:30–14:00
Kichik transformer zali

Qiziqarli kitoblar o‘qiymiz, hikoyalar o‘ylab topamiz, rasm chizamiz, o‘yin o‘ynaymiz va ingliz tilini ijodiy hamda jonli tarzda o‘rganamiz. O‘yin, tasavvur va bog‘lanishlar orqali ingliz tili leksikasi olamiga sho‘ng‘iymiz. Nutq, tafakkur hamda kitob mutolaasiga bo‘lgan muhabbatni rivojlantiramiz. To‘garak bir oyda ikki marta o‘tkaziladi. 

14-noyabr
Kitob nomi: “Mini and Hardly and the Big Adventure”. Muallif va rassom: Ketrin Reyner
Katta bo‘lishni orzu qilib, sarguzashtga otlangan Mini va Xardi ismli kichkina yakkashoxlar bilan tanishamiz. Do‘stlik, ulg‘ayish hamda kichik bo‘lish — umuman ayb emasligi haqida suhbatlashamiz.

28-noyabr

Boshlovchi: Rebekka Ril

Xitoy tilidagi kitob to‘garagi
(6–10 yosh)

Shanba kunlari, 15:00–16:00
Kichik transformer zali

Xitoy tilidagi kitoblarni o‘qiymiz va iyerogliflar bilan tanishamiz. O‘qish, muloqot va ijodiy topshiriqlar orqali so‘z boyligimizni oshiramiz. Xitoy tilida so‘zlashish, hisoblash va yozishni o‘rganamiz, shuningdek, madaniyat hamda zamonaviy Chin yurti haqida ko‘proq ma’lumotga ega bo‘lamiz. To‘garak bir oyda ikki marta o‘tkaziladi.

7-noyabr
21-noyabr


Boshlovchilar: Toshkent davlat sharqshunoslik universiteti huzuridagi “Konfutsiy nomidagi O‘zbek-Xitoy instituti” o‘qituvchilari

Voqeiy hikoyalar to‘garagi

18:30–19:30
Majlislar zali

Atrofimizdagi olam — fan, tarix, jamiyat, san’at va odamlar haqidagi kitoblarni o‘qiymiz va muhokama qilamiz. Savollar berishni, dalillar orasidagi bog‘liqlikni topishni hamda shaxsiy kuzatuvlarimiz bilan o‘rtoqlashishni o‘rganamiz. Har bir uchrashuv bitta kitob yoki mavzuga bag‘ishlanadi va erkin suhbat uchun ochiq bo‘ladi.

26-noyabr

Kitob: "Arxitektura. Nima yaxshi-yu, nima yomon. Tushunish kaliti"

Muallif: Anastasiya Golovina

Boshlovchi: Dina Adilova

O‘YINLI TO‘GARAKLAR

Stol o‘yinlari to‘garagi
(6+)

Shanba kunlari, 14:00–15:00 
Majlislar zali

Turli xil stol o‘yinlari bilan: “sayr”lar-u hamkorlik sarguzashtlaridan tortib, strategiyalargacha tanishamiz. O‘ynaymiz, muloqot quramiz va muhim ko‘nikmalarni rivojlantiramiz. To‘garak har hafta o‘zbek va rus tillarida o‘tkaziladi. Ishtirokchilar kutubxona to‘plamidan o‘yinlarni tanlab oladilar va 2-3 ta stol atrofiga taqsimlanadilar. Bitta uchrashuvda bola 2-4 ta o‘yin o‘ynashi mumkin.

7, 14, 21 va 28-noyabr

O‘smirlar uchun stol o‘yinlari to‘garagi
(11+)

Shanba kunlari, 16:00–17:00
Majlislar zali

Kutubxona to‘plami bilan tanishamiz, o‘yin mexanikasini ko‘rib chiqamiz, turli janrlarni sinab ko‘ramiz, strategik fikrlashni mashq qilamiz va do‘stona muhitda o‘ynaymiz. To‘garak har hafta o‘zbek va rus tillarida o‘tkaziladi. Uchrashuv boshida bolalar o‘yinlarni o‘zlari tanlaydilar, so‘ngra parallel ravishda 2–3 xil stol o‘yinlari uyushtiriladi.

7, 14, 21 va 28-noyabr

MAVZULI TO‘GARAKLAR

Kompyuter savodxonligi to‘garagi
(50+)

Shanba kunlari, 14:00–15:30
Ish markazi zali

Raqamli vositalar bilan tanishamiz va kundalik hayotda texnologiyalardan ishonch bilan foydalanishni o‘rganamiz. Xotirjam va qo‘llab-quvvatlovchi muhitda savollar berishni, yangi bilimlarni o‘zlashtirish orqali ma’lumot izlashni va raqamli muhitni tushunishni o‘rganamiz. To‘garak bir oyda bir marta o‘zbek va rus tillarida o‘tkaziladi.

21-noyabr

Boshlovchi: AT mutaxassisi Jo‘shqin Matchanov

Raqamli savodxonlik to‘garagi
(10+)

Shanba kunlari, 12:00–13:30
Ish markazi zali

Raqamli vositalar bilan tanishamiz va kundalik hayotda texnologiyalardan ishonch bilan foydalanishni o‘rganamiz. Xotirjam va qo‘llab-quvvatlovchi muhitda savollar berishni, yangi bilimlarni o‘zlashtirish orqali ma’lumot izlashni va raqamli muhitni tushunishni o‘rganamiz. To‘garak bir oyda bir marta o‘zbek va rus tillarida o‘tkaziladi.

21-noyabr

Boshlovchi: AT mutaxassisi Jo‘shqin Matchanov

Robototexnika to‘garagi
(12+)

Yakshanba kunlari, 14:00–16:00
Kompyuter sinfi

Robototexnika asoslari bilan tanishamiz hamda oddiy mexanizmlar va dasturlashtiriladigan qurilmalar yaratishni oʻrganamiz. Qoʻllab-quvvatlovchi va izlanishlarga boy muhitda namunaviy nusxalarni oʻz qoʻllarimiz bilan yigʻib, ularni amalda sinab koʻrgan holda sezgichlar, motorlar va algoritmlar qanday ishlashini tushunib olamiz. To‘garak bir oyda bir marta o‘zbek va rus tillarida o‘tkaziladi.  
     
29-noyabr

Boshlovchi: AT mutaxassisi Jo‘shqin Matchanov

O‘smirlar kino to‘garagi

Shanba kunlari, 18:00–20:00
Majlislar zali

O‘smirlar uchun va o‘smirlar haqidagi filmlarni — mumtoz asarlardan tortib zamonaviy kinogacha, turli janr va tillardagini ko‘ramiz hamda ularni muhokama qilamiz. Qahramonlar, syujetlar, vizual til va mazmun-mohiyati haqida suhbatlashamiz, mayda detallargacha e’tibor berishni va shaxsiy fikrimizni ifodalashni o‘rganamiz. To‘garak uchrashuvlari bir oyda ikki marta o‘tkaziladi.

7-noyabr
21-noyabr


Boshlovchi: Kamilla Qayumova

Tabiatshunoslar to‘garagi
(6+)

Shanba kunlari, 11:00–12:00
Kichik transformer zali

Jonli tabiatni tadqiq etamiz, atrofimizdagi o‘simliklar, mavjudotlar va mavsumiy o‘zgarishlarni diqqat bilan kuzatishni o‘rganamiz. Uchrashuvlarda xuddi haqiqiy tabiatshunoslar kabi o‘z kashfiyotlarimizni ko‘rib chiqamiz, taqqoslaymiz, qayd etib boramiz va muhokama qilamiz. To‘garak uchrashuvlari bir oyda ikki marta o‘tkaziladi.

7, 21-noyabr

Boshlovchi: Dina Adilova

Joylar soni cheklangan. Barcha savollar yuzasidan biz bilan telefon, elektron pochta yoki ijtimoiy tarmoqlardagi @acdflibrary manzili orqali bog‘lanishingiz mumkin.