Yozuvchilar qarorgohi Respublika bolalar kutubxonasi

Qarorgohning 2026-yilgi asosiy mavzusi: Qisqa nasr

Arizalar qabuli: 10-avgustdan 10-sentabrgacha

Katta hikoya har doim ham katta matnni talab qilmaydi. Hikoya birgina sahna, suhbat, kuzatuv yoki tafsilotdan boshlanib, o‘z ichiga butun bir dunyoni qamrab olishi mumkin. Respublika bolalar kutubxonasining Yozuvchilar qarorgohi mualliflarni oktabr oyini qisqa nasr — hikoyalar, esselar va novellalar ustida ishlash bilan o‘tkazishga taklif etadi. Qarorgohning diqqat markazida ishtirokchilarning shaxsiy loyihalari va ular ustida ishlash jarayoni: g‘oya va ilk qoralamadan boshlab, tahrirlash hamda qayta ishlangan nusxagacha mujassam. Matn mavzusi erkin.

Qarorgoh matn bilan allaqachon ishlayotgan va o‘z loyihasini rivojlantirishni istagan mualliflar uchun ochiq. Biz turli kasbiy tajribaga ega ishtirokchilarni mamnuniyat bilan qabul qilamiz. Bizga nashrlar soni yoki adabiy yutuqlar emas, balki matnni his etish, ishlashga tayyorlik, fikr-mulohazalarga ochiqlik va ijodga bo‘lgan qiziqish muhim.

QARORGOH TUZILISHI

Qarorgoh 3–31-oktabr kunlari Toshkent shahridagi Respublika bolalar kutubxonasi negizida an’anaviy o‘quv shaklida o‘tkaziladi. Asosiy uchrashuvlar dam olish kunlari bo‘lib o‘tadi, shunda ishtirok etishni ish yoki o‘qish bilan birga olib borish mumkin bo‘ladi. Mustaqil ish ustaxona, yakkama-yakka maslahatlashuvlar, qo‘lyozmalar muhokamasi, mualliflar va ekspertlar ishtirokidagi uchrashuvlar bilan navbatma-navbat olib boriladi. 

Tanlov natijalariga ko‘ra ishtirok etish bepul. Ishchi tillari — o‘zbek va rus tillari. Joylar soni cheklangan.

DIQQAT MARKAZIDA

— G‘oya va shakl

— Syujet va kompozitsiya

— Muallif ovozi va uslubi

— Qoralama ustida ishlash

— Tahrirlash jarayoni

— Matnni nashrga tayyorlash

— Noshir bilan ishlash

— Matnning o‘quvchiga yetib borish yo‘li

BIZ TAKLIF ETAMIZ

— ijod qilishga muhit

— guruh mashg‘ulotlari

— yakkama-yakka maslahatlashuvlar

— loyiha bo‘yicha kasbiy fikr-mulohaza

— qarorgoh natijalarini jamoatchilikka taqdim etish

— ishtirokchi sertifikati

Qarorgoh sarhisob uchrashuvi bilan yakunlanadi, unda ishtirokchilar bir oy davomida ishlagan matnlarini taqdim etadilar.

Tanlov natijalariga ko‘ra ishtirok etish bepul. Muloqot o‘zbek va rus tillarida olib boriladi. Joylar soni cheklangan.

ARIZA QANDAY BERILADI

Qatnashish uchun quyidagilar talab etiladi:

1. Ishtirokchi so‘rovnomasini to‘ldirish

2. Qarorgohda bo‘lish davrida ustida ishlamoqchi bo‘lgan matn yoki g‘oyangiz haqida so‘zlab berish.

3. O‘zbek yoki rus tilidagi 5-10 betlik nasr namunasini ilova qilish.

4. Mavjud bo‘lsa — nashrlar, adabiy loyihalar yoki ijodiy ishlar namunasi (yoki to‘plami) havolalarini qo‘shish.