“Qo‘lyozmadan g‘azalgacha: navoiyshunoslarning ish tarzi” ma’ruzasi. Filologiya fanlari bo‘yicha falsafa doktori (PhD), O‘zbekiston Fanlar Akademiyasi Abu Rayhon Beruniy nomidagi Sharqshunoslik instituti ilmiy xodimi Oysara Madaliyeva bilan birga Navoiy merosi tadqiqotchilari olib borayotgan izlanishlarga oshno bo‘lamiz. Kitoblar she’riyat sultoni hayotligida qanday ko‘rinishda bo‘lgani, olimlar noyob osori atiqalarni qayerdan izlashlari hamda bir qo‘lyozma sir-asrorlari tahliliga qancha vaqt sarflanishini bilib olamiz. So‘nggi yillardagi topilmalar, masalan, “Badoye’ ul-bidoya” devonining nusxasi haqida suhbatlashamiz. Qo‘lyozma kitoblarni o‘rganishda siyohni spektral tahlil qilishdan tortib to matnlarni raqamlashtirishgacha bo‘lgan zamonaviy texnologiyalar bilan tanishib, arxiv qo‘lqoplari qay tarzda ushbu kasbning ramziga aylangani haqida bilib olamiz.
Ma’ruza Alisher Navoiy tavalludining 584 yilligiga bag‘ishlab uyushtirilmoqda.

Muloqot tili: o‘zbek tili, rus tiliga sinxron tarjima bilan
Tavsiya etiladigan yosh: 12+

17:00–18:00

MAJLISLAR ZALI

O‘smirlar va kattalar uchun kitob to‘garagi yig‘ilishi. Moskva davlat universitetining Toshkent filiali filologiya fakulteti talabasi va kutubxonamiz xodimasi Amina Mammayeva bilan birgalikda amerikalik yozuvchi German Melvilning “Mobi Dik yoxud Oq kit” asaridan tanlangan parchalarni o‘qib, romanni muhokama qilamiz. Romanning asosiy mavzulari haqida suhbatlashib, uning asosida qanday voqea yotganini bilib olamiz va muallif ramziylik orqali bosh qahramonlarning ichki ziddiyatlarini qay tariqa ochib berishini tahlil qilamiz.

Muloqot tili: rus tili

18:00–19:30

KICHIK TRANSFORMER ZALI

Eng jajji kichkintoylar uchun kitob to‘garagi. O‘qituvchi va kutubxonamiz xodimasi Marhabo Aminova bilan birgalikda turk yozuvchisi Merve Guljemalning Afra Elif rasmlari bilan bezatilgan “Bu meniki!” kitobi bilan tanishamiz.

Kitob qahramonlari Yoqimtoy va Kichkintoy juda ahil bo‘lib, doim birga o‘ynashardi. Ammo bir kuni o‘yinchoq poyezdni deb qattiq janjallashib qolishadi. Endi qanday yarashishar ekan?

Muloqot tili: o‘zbek tili
Tavsiya etiladigan yosh: 5 yoshgacha, ota yo onaning hozir bo‘lishi shart

11:00–12:00

KICHIK TRANSFORMER ZALI

Shaxmat to‘garagi yig‘ilishi. Tajribali shaxmatchi va WUT Chess Club muhofizi Muhammadamin Raupov bilan birgalikda o‘yinning asosiy qoidalari bilan tanishamiz, shaxmat donalarini surishni o‘rganamiz va dastlabki partiyalarni o‘ynashga harakat qilamiz. Shaxmat nazariyasini tahlil qilib, strategik fikrlashni rivojlantiramiz va musobaqalarga tayyorgarlik ko‘ramiz. Mot bo‘lish xavflarini ko‘rishni, raqib yurishlarini avvaldan taxmin qilishni, ishonchli hujumlarni uyushtirishni o‘rganamiz. Uchrashuvlar o‘ynashni endi o‘rganayotganlarga mo‘ljallangan.

Muloqot tili: o‘zbek va rus tillari
Tavsiya etiladigan yosh: 7+

16:00–17:00

MAJLISLAR ZALI

Alisher Navoiy tavalludining 584 yilligiga bag‘ishlangan she’riyat kechasi. Ochiq mikrofon shaklida buyuk mutafakkir, shoir, siyosat arbobi va o‘zbek adabiyoti asoschisining g‘azal va dostonlaridan parchalar o‘qiymiz. U muhabbat, ma’naviyat va insoniy qadriyatlar mavzularida qalam tebratib, shu bois shoir satrlari bugungi kunda ham qalblarimiz bilan hamohang. Har bir yuragida oʻti borlar majlislar zalimizning badiha sahnasiga chiqib, o‘zlariga ardoqli baytlardan misralarni mutolaa qilishlari mumkin. Marhamat qilib, ariza shaklida qaysi asarni tanlaganingizni ko‘rsating.

Muloqot tili: o‘zbek va rus tillari

19:00–20:00

MAJLISLAR ZALI

Alisher Navoiy tavalludining 584 yilligiga bag‘ishlangan “O‘zbekcha gapiramiz” to‘garagi uchrashuvi. Alisher Navoiy nomidagi Toshkent davlat o‘zbek tili va adabiyoti universiteti o‘qituvchilari bilan do‘stona, xayrixoh muhitda muloqot hamda og‘zaki nutqni tushunishni amalda tatbiq etib, yangi so‘z va iboralarni bilib olamiz va shoir merosi bilan tanishamiz. Tilni oz darajada bo‘lsa ham bilish olqishlanadi, ammo majburiy emas.

Muloqot tili: o‘zbek tili, rus tilidan ham foydalaniladi
Tavsiya etiladigan yosh: 11+

15:00–16:00

MAJLISLAR ZALI

Bolalar uchun stol o‘yinlari ixlosmandlari to‘garagi yig‘ilishi. Kelayotgan shanba kuni “Yulduzlar rassomlari” o‘yiniga diqqat qaratamiz. O‘yinchilar yulduzlar atlasining bitta umumiy varag‘ida qartada tushgan shakllardan foydalanib, birgalikda o‘ylangan yulduz turkumini chizishlari kerak bo‘ladi. Davra boshlovchisi qolganlar qaysi yulduzlar turkumini tasvirlayotganini topishi lozim. Ammo har bir ishtirokchining o‘z chizish shakli bor – kimdir faqat aylanani, kimdir esa faqat uchburchakni chizishi mumkin. Ayting-chi, sizning yulduz turkumingiz nimaga o‘xsharkin?

Muloqot tili: o‘zbek va rus tillari
Tavsiya etiladigan yosh: 6+

15:00–16:30

KICHIK TRANSFORMER ZALI

Stol o‘yinlari yosh ixlosmandlari to‘garagi yig‘ilishi. Kelayotgan yakshanba kuni “Samo ostonasidagi darvozalar” o‘yiniga diqqat qaratamiz. O‘yinchilar o‘zlarini tadbirkor savdogarlar sifatida sinab ko‘rishlari lozim bo‘ladi. Rastalarni mahsulotlar bilan to‘ldirib, soqqalarni yig‘amiz, strategiya ishlab chiqib, raqiblarimizning harakatlarini avvaldan taxmin qilishga harakat qilamiz.

Muloqot tili: o‘zbek va rus tillari
Tavsiya etiladigan yosh: 13+

15:00–16:30

KICHIK TRANSFORMER ZALI